Þessa dagana er átak í að benda á hættuna sem fylgir því að ungt fólk fari í ljósabekki og er því einkum beint að fermingarbörnum og forráðamönnum þeirra. Skilaboðin, undir slagorðinu Hættan er ljós, eru frá Félagi íslenskra húðlækna, Geislavörnum ríkisins, Krabbameinsfélaginu, Landlæknisembættinu og Lýðheilsustöð. Viðhorfskönnun til banns við ljósabekkjanotkun ungmenna sýnir að mikill meirihluti er með slíku banni.

Senda grein

Í tilefni af alþjóðlega netöryggisdeginu, 9. febrúar, verður haldið opið málþing undir yfirskriftinni ,,Hugsaðu áður en þú sendir" í Skriðu, aðalbyggingu menntavísindasviðs HÍ, við Stakkahlíð. Þar munu bæði sérfræðingar og talsmenn ungs fólks munu fjalla um örugga netnotkun út frá ýmsum sjónarhornum, undir styrkri stjórn Páls Óskars Hjálmtýssonar. Þingið er á vegum SAFT-verkefnisins sem Lýðheilsustöð er virkur þátttakandi í.

Senda grein

Heilbrigðisráðherra hefur sett Margréti Björnsdóttur, hjúkrunarfræðing, forstjóra Lýðheilsustöðvar frá 1. janúar til 31. ágúst 2010 en hún hefur verið starfandi forstjóri frá 9. nóvember sl. í orlofi fyrrverandi forstjóra. Margrét hefur undanfarin ár starfað í heilbrigðisráðuneytinu sem deildarstjóri og skrifstofustjóri á sviði stefnumótunar heilbrigðismála í ráðuneytinu.

Senda grein