Næring og holdafar
Lýðheilsa efld með hollara mataræði og aukinni hreyfingu
Alþingi hefur samþykkt þingsályktun um að fela ríkisstjórninni að undirbúa áætlun um samræmdar aðgerðir til að efla lýðheilsu á Íslandi með hollara mataræði og aukinni hreyfingu.
Samkvæmt tillögunni verður faghópur á vegum forsætisráðuneytis settur á laggirnar til að greina vanda sem tengist óhollu mataræði, offitu, átröskun og hreyfingarleysi. Að lokinni greiningu á orsökum og afleiðingum á hópurinn að gera tillögur að samræmdum aðgerðum og framkvæmdaáætlun sem verði lagðar fyrir ríkisstjórnina í apríl 2006. Það er orðið brýnt að skipuleggja markvissar aðgerðir hér á landi sem stuðla að bættri næringu og hreyfingu og minnka líkur á frekari aukningu á offitu og átröskunum því fagnar Lýðheilsustöð samþykkt tillögunnar. Hér er um samfélagslegt vandamál að ræða og því mikilvægt að sem flestir í samfélaginu axli ábyrgð.
Skoða tillögu til þingsályktunar og greinargerð