Bókin Holdafar-hagfræðileg greining hlýtur mjög góðar viðtökur
Bókin Holdafar – hagfræðileg greining, eftir Tinnu Laufeyju Ásgeirsdóttur heilsuhagfræðing, sem Lýðheilsustöð gaf út fyrir skömmu, hefur hlotið mikla athygli og um hana verið fjallað í mörgum fjölmiðlum landsins.Fjölmiðlaumfjöllun
Smellið hér til að opna síðu með tengingu í þá fjölmiðla sem fjallað hafa um bókina.
Fullt út úr dyrum
Haldinn var kynningarfundur í tilefni af útgáfu bókarinnar í Norræna húsinu 26. nóvember sl. Um hádegisfund var að ræða og var fullt út úr dyrum. 
Í upphafi fundar afhenti Tinna Ragnheiði Haraldsdóttur, sviðsstjóra stefnumótunarsviðs heilbrigðismála, í heilbrigðisráðuneytinu eintak.
Tinna kynnti síðan helstu umfjöllunaratriði bókarinnar og þær tillögur að aðgerðum sem hún lagði til að grípa mætti til svo stemma megi stigu við vaxandi ofþyngd og offitu á meðal landsmanna, ekki síst börnum. Í pallborði voru þrír sérfræðingar, á þeim sviðum sem umfjöllunarefnið tekur helst til, Inga Þórsdóttir, formaður manneldisráðs, Erlingur Jóhannsson, prófessor KHÍ, og Gylfi Zoëga, hagfræðiprófessor KÍ, og komu þeir með sína sýn á inntak bókarinnar, tillögur Tinnu og fleira.
| Erlingur Jóhannsson | Inga Þórsdóttir | Gylfi Zoëga |
|---|---|---|
 |
 |
 |
Fundarmenn fengu síðan tækifæri til að spyrja Tinnu og pallborðsgesti, auk þess sem fundarstjóri, Þórólfur Þórlindsson, forstjóri Lýðheilsustöðvar, svaraði spurningu um aðgerðir Lýðheilsustöðvar á þessu sviði. Í heildina er mikil ánægja með þetta framtak og umræðan hefur verið mjög mikil um þennan vanda og hvað hægt sé að gera – sérstaklega til að snúa við þróuninni hvað börn varðar. Meðal þess sem fólk ræddi var mataræði og sykurneysla, hreyfingarleysi, stórir matarskammtar á veitingastöðum, bann við að beina auglýsingum um sætindi og aðra óhollustu að börnum, auðvelt aðgengi að hreyfingu, fjárráð fólks og margt fleira.
Bókin fæst í bókaverslunum
Bókin Holdafar - hagfræðileg greining fæst í öllum helstu bókaverslunum landsins en óski fleiri bóksalar
eftir að fá hana í sölu eru þeir beðnir að snúa sér til Jóns Óskars Guðlaugssonar, s. 5800 922 eða senda pöntun beint á: pantanir@lydheilsustod.is