Tóbaksvarnir
Til hamingju Súðavík!
Í fréttum sjónvarpsins þann 6. desember síðastliðinn kom fram að Súðavík væri orðin svo gott sem reyklaust sveitarfélag. Haldin hafa verið námskeið í bænum til að aðstoða fólk við að hætta að reykja og hefur bæjarbúum gengið vel að standa við reykleysið saman. Glöggir bæjarbúar telja aðeins tólf reykingamenn vera eftir í öllu sveitafélaginu, sem samtals telur um 200 manns.
Lýðheilsustöð vill óska íbúum Súðavíkur innilega til hamingju með árangurinn. Þetta dæmi sýnir hvað nærsamfélagið getur skipt miklu máli, bæði í að hvetja fólk til að breyta lífstíl sínum og sem stuðningsnet eftir að ákvörðunin hefur verið tekin. Lýðheilsustöð hvetur önnur sveitafélög til að fylgja fordæmi Súðavíkur með því að efla aðstoð við að hætta að reykja fyrir íbúa sína og tryggja þá eftirfylgni og stuðning sem nauðsynleg er til að árangur til reykleysis náist.
Hamingjuóskir
Lýðheilsustöð