Fræðsla og forvarnir í skólum

Verkefnisstjórar:

Verkefnisstjóri framhaldsskólafræðslu Héðinn Björnsson	Verkefnisstjóri grunnskólafræðslu Sveinbjörn Kristjánsson

Unnið er að skólafræðslunni í samstarfi við marga og áhersla lögð á að styrkja enn frekar samstarfið við skóla á öllum skólastigum. Vorið 2008 var haldin fyrsta „skóli og lýðheilsa“ ráðstefnan og stefnt er að því að hún verði árlegur viðburður.

Sérstök grunnskólaverkefni

6 H heilsunnar er samstarfsverkefni Lýðheilsustöðvar og Heilsugæslu höfuðborgarsvæðisins-skólahjúkrun.

Vinir Zippýs er alþjóðlegt fræðsluefni um geðrækt, sem ætlað ungum nemendum, og Lýðheilsustöð hefur látið þýða, staðfæra og prenta.

Göngum í skólann er alþjóðlegt verkefni sem Lýðheilsustöð stóð fyrir að tekið væri upp á Íslandi. Þar eru nemendur, foreldrar og starfsmenn skóla eru hvattir til að ganga í skólann. Frá árinu 2008 hefur ÍSÍ umsjón með verkefninu.

Samtök heilsuskóla í Evrópu

Lýðheilsustöð vinnur í samræmi við viðmiðunarreglur frá Alþjóðaheilbrigðismálastofnuninni um heilsueflingu og forvarnir fyrir skóla. Þar er lögð áhersla á að þróa aðgerðir sem kenna ekki aðeins staðreyndir um heilsusamlega lifnaðarhætti, heldur einnig færni til að framkvæma. Eins er áhersla á umhverfis- og félagslega þætti og tengsl við grenndarsamfélagið. Lýðheilsustöð er meðlimur í Samtökum heilsuskóla í Evrópu (Schools for Health in Europe).
http://www.schoolsforhealth.nl

ENHPS

Framhaldsskólinn

Lýðheilsustöð, heilbrigðis- og menntamálaráðuneytið ásamt samtökum framhaldsskólanema undirrituðu í nóvember 2007 samstarfssamning til 3ja ára um forvarna- og heilsueflingarstarf í framhaldsskólum.

Leiðir að skólafræðsluefni á vefsíðu Lýðheilsustöðvar

Hnapparnir til vinstri vísa beint á ýmislegt sem nýst getur við skólafræðslu. Fliparnir fyrir ofan gera það einnig en vísa jafnframt á aðra málaflokka sem heyra undir Lýðheilsustöð. Hægra megin er hægt að nálgast ýmsar tillögur og hugmyndir að efni sem nýst getur í fræðslu- og forvarnarstarfi í skólum.

Athugið að með því að smella á táknmyndina „Mínar stillingar“ hér fyrir ofan hægri dálkinn þá gefst fólki möguleiki á breyta stillingum vefsíðunnar að eigin þörfum, s.s. vegna blindu, sjóndepru eða lesblindu.