Tóbaksvarnir
Verkefnisstjórar tóbaksvarna eru:
|
|
Öll starfsemi sem áður féll undir Tóbaksvarnaráð hefur flust til Lýðheilsustöðvar. Tóbaksvarnaráð starfar áfram sem fagráð og ráðgjafi fyrir þennan málaflokk hjá Lýðheilsustöð.
Starfsemi Lýðheilsustöðvar á sviði tóbaksvarna skiptist í fræðslu, ráðgjöf, rannsóknir og vinnu við forvarnaverkefni. Lýðheilsustöð er faglegur ráðgjafi stjórnvalda um allt sem lýtur að tóbaki og notkun þess.
Markmið með lögum um tóbaksvarnir er að draga úr heilsutjóni og dauðsföllum af völdum tóbaks með því að minnka tóbaksneyslu og vernda fólk fyrir áhrifum tóbaksreyks. Einnig ber að virða rétt hvers manns til að geta andað að sér lofti sem ekki er mengað tóbaksreyk af völdum annarra.
Lýðheilsustöð vinnur fræðsluefni um skaðsemi tóbaks fyrir almenning. Einnig er útbúið margs konar efni í formi bæklinga, veggspjalda o. fl. til notkunar í skólum, heilsugæslustöðvum, íþróttamannvirkjum og víðar.
Á vegum Lýðheilsustöðvar eru unnar kannanir á tóbaksneyslu. Einnig er safnað öðrum tölfræðilegum upplýsingum sem gefa vísbendingar um stöðu þessara mála í landinu og skaðlegrar afleiðingar tóbaksneyslu.
Lýðheilsustöð er í samvinnu við erlendar og innlendar stofnanir og samtök á sviði tóbaksvarna.
